poemario en construción       poema   a radio versión   1 ligazóns asociadas na bitácora   outras versións

ela contara a súa historia
na radio

podía lembrar
o recendo do sofá no exacto
instante
en que a escoitaba
a luz a escintilar
nos vellos adornos da vitrina

agora agardábaa

ela contara a súa
historia na radio
e el pensou que acaso
aquela voz

contaba unha historia
de soidade
"a min perdéuseme a vida"
dixera

e el ollaba
absorto as partículas
de pó a pairar
no cono de luz
da lámpada

tomáralle pouco máis de
un par de días decidirse

"ola m queríache contar que
sabes?
antonte aquela señora que chamou"

propuxéralle el
na radio
un encontro

sábado ás sete da tarde
nos bancos da estación de tren

e agardaba