ronseltz

O colectivo poético Ronseltz desenvolveu a súa actividade a comezos da década dos 90 en Galiza. Herdeiro da estética (e mais da ética) do colectivo Rompente, son considerados fundacionais do que algúns chaman xeración dos 90. Estaba integrado por Xabier Cordal, Serxio Iglesias, Manuel Cortés, Xoán Carlos Rodríguez e Miguel Montes (Miki Nervio). Publicaron un volume colectivo: Unicornio de cenorias que cabalgas os sábados (1994).