emilio araúxo

Poeta galego, nado en Coles, Ourense, en 1946. Ten publicada unha obra heteroxénea, que inclúe poesía (con títulos como, A chaira das letras, 1998, ou Cinsa do vento, 1996), narrativa (Tempos serodios, 1996), traduccións de poesía e de ensaio, ou un libro de entrevistas a setenta e nove poetas de todo o mundo (Do lado dos ollos, 2001). Foi profesor de filosofía de ensino medio. Desenvolve unha encomiábel tarefa de editor, primeiro dende o selo Noitarenga e mais actualmente, dende Cadernos AMASTRA-N-GALLAR, dende onde distribúe pequenas edicións non venais de filosofía e poesía, e mais publica a revista AMASTRA-N-GALLAR adicada ao pensamento arredor da poesía.