claudio rodríguez fer

Poeta galego, nado en Lugo en 1956. Da súa obra poética destacan Tigres de ternura (1983, Premio da Crítica Española), Lugo Blues (1987), Vulva (1990), Extrema Europa (1996), Belas e bestas (edición dixital, 2002). É profesor de literatura e crítico, destacando, neste eido, diversos traballos sobre Ánxel Fole e José Ángel Valente. Promotor de diversas iniciativas literarias e culturais, fai parte actualmente do consello de redacción da revista Unión Libre. A poeta Olga Novo ten publicados algúns traballos sobre a súa obra.