bernardino graña

Poeta galego nado nado en Cangas do Morrazo (Pontevedra) en 1932. De longa e frutífera traxectoria literaria, na súa obra poética destacan os títulos seguintes: Poema do home que quixo vivir (1958), Profecía do mar (1966), Non vexo Vigo nin Cangas (1975), Se o noso mar e os peixes volveran Sar arriba e sementaran (1980, Premio Galicia do Concello de Santiago en 1978), Sima-cima do voar do tolo (1984), Himno verde (1992), Luz de novembro (1997). En 1995 publicouse a súa obra poética completa baixo o título de Ardentía. Traducido a diversas linguas, hai poemas seus espallados en numerosas publicacións periódicas europeas. Membro fundador do grupo Brais Pinto e primeiro presidente da Asociación de Escritores en Lingua Galega, é tamén narrador e dramaturgo.